Íslenska efnahagsundrið

16. nóvember 2007 er 200 ára afmæli Jónasar Hallgrímssonar. Hann orti eitt stórbrotnasta kvæði íslenskra bókmennta, „Gunnarshólma,“ um manninn, sem sneri aftur. Hvað sem segja má um sanngildi kvæðisins, er viðfangsefnið sígilt og brýnt: Við hvers konar aðstæður vilja Íslendingar búa áfram í landi sínu? Síðustu sextán ár hefur íslenskt atvinnulíf tekið miklum framförum, svo að Ísland er nú í hópi frjálsustu og ríkustu landa heims eftir viðurkenndum, alþjóðlegum mælikvörðum. En hvað olli íslenska efnahagsundrinu? Hvernig getur það haldið áfram?

Samtök atvinnulífsins, Félagsvísindadeild Háskóla Íslands og Morgunblaðið standa ásamt ýmsum öðrum aðilum, Háskólanum í Reykjavík, Samtökum iðnaðarins, Samtökum fjármálafyrirtækja, Landssambandi íslenskra útvegsmanna, Viðskiptaráði og VR, að ráðstefnu á afmæli höfundar „Gunnarshólma“ um þetta mikilvæga mál, þar sem málshefjandi er einhver kunnasti hagfræðingur heims, prófessor Arthur B. Laffer, sem Laffer-boginn svonefndi er kenndur við. Laffer setti ungur fram þá djarflegu kenningu, að skattalækkanir gætu leitt til aukinna skatttekna ríkisins, en sú hefur einmitt verið reyndin á Íslandi síðustu árin. Dr. Guðmundur Magnússon prófessor, fyrrverandi rektor Háskóla Íslands, mun bregðast við erindi prófessors Laffers, en seinna þennan sama dag mun Viðskipta- og hagfræðideild halda sérstaka samkomu í Háskóla Íslands til heiðurs Guðmundi.

Ráðstefna 26. júlí 2007: Skattalækkanir til kjarabóta

Ráðstefna 14. september 2007: Ísland sem fjármálamiðstöð

Bók 10. september 2008: Cutting Taxes to Increase Prosperity

Erindi 7. desember 2007: Hefur Ísland vikið af hinni norrænu leið?